CCXLI.

1357, April 10. Kamenz.

Petrus Santko schenkt seinen Wald Neydek dem Kloster.

In nomine domini amen. Cristifidelium interest vita comite anime salutem etiam promovere. Hinc nos Petrus Santko bonorum operum medelam anime nostre peccatorum vulneribus sanciate affectamus nostro pro posse adhibere, nostra bona temporalia deo devote famulantibus, quorum spiritualibus couti in futura vita speramus, in sustentationem exercitiorum spiritualium erogando; sed quia religiosos viros dominos . . abbatem et conventum monasterii de Camencz Cyster­ciensis ordinis ab antiquo speciali dilectione fuimus prosequuti, pre aliis apud eosdem eligentes sepeliri, unde, ut nostri memores perpetuis temporibus existant pro anime nostre felicitate omni­potentem deum studiosius rogitando, ipsis silvam nostram dictam Neydek sitam in districtu Munstirbergensi, prout est circumferentialiter in suis limitibus distincta totaliter, uti nos eam hactenus possedimus, in verum et perpetuum testamentum animeque nostre remedium resignamus et damus habendam perpetuis temporibus et possidendam. Quam donationem et resignationem, ut illesa in suo robore valeat permanere, litteris illustri(s) principis domini Nycolai ducis Munstirbergensis et venerabilis in Cristo patris ac domini, domini Preczlai episcopi Wrat., coram quibus presentialiter constituti, a nostris bonis et possessioribus ipsam silvam alienavimus bonis­que monasterii incorporare procuravimus et ordinavimus confirmari. In cuius rei testimonium et robur presentem litteram desuper conscribi fecimus, sigillum nostrum appendentes. Datum Camencz secunda feria festi Pasche anno domini millesimo trecentesimo quinquagesimo septimo.

Or. Perg. An einem Pergamentstreifen das stark verletzte S. des ausstellers. Auf der Rückseite steht von gleichzeitiger oder wenig jüngerer Hand geschrieben: Quod Petrus Sandko dedit nobis silvam Nydecke in remedium anime sue.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.